Kaos me fluturimet ajrore në mbarë botën, Airbus tërheq 6000 avionë A320
Kompania europiane e prodhimit të avionëve, Airbus, ka urdhëruar riparime të menjëhershme për rreth 6,000 avionë në mbarë botën, për shkak se një softuer ndikohet nga shpërthimet diellore.
Vendimi ka shkaktuar kaos në mbarë botën, në një prej fundjavave më të ngarkuara të vitit.
Mijëra udhëtarë në mbarë botën kanë mbetur të bllokuar nëpër aeroporte, pasi Airbus urdhëroi riparime të menjëhershme të softuerit për gati 6,000 avionë të serisë A320. Ky vendim ka prekur thuajse gjysmën e flotës së kësaj serie dhe i detyroi linjat ajrore të ulnin në tokë avionët, në një prej fundjavave më të ngarkuara të vitit.
Direktiva, që është ndër më drastiket në historinë 55-vjeçare të Airbus, ndikoi menjëherë udhëtimet me rastin e pushimeve të “Ditës së Falenderimeve” dhe u shtri deri në Australi. Ndërprerja, e lidhur me shpërthimet diellore, goditi veçanërisht rëndë Azinë, por edhe Shtetet e Bashkuara. American Airlines, operatori më i madh në botë i A320, deklaroi se vendimi i Airbus ka prekur 209 avionë, nga më shumë se 340 të u deklarua fillimisht.
Airbus tha në një deklaratë se kishte zbuluar se rrezatimi intensiv diellor, që mund të dëmtojë të dhënat kritike për funksionimin e kontrollit të fluturimit. Ndërsa, Agjencia e Sigurisë së Aviacionit e Bashkimit Europian tha në një direktivë të premten se një fluturim i JetBlue më 30 tetor përjetoi një “ngjarje të pakontrolluar dhe të kufizuar gjatë uljes”. Administrata Federale e Aviacionit në SHBA lëshoi gjithashtu një direktivë emergjence, duke urdhëruar operatorët e modelit A320 të adresonin problemin.
Për rreth dy të tretat e avionëve të prekur, riparimi do të rezultojë në një ndalim relativisht të shkurtër të fluturimeve, ndërsa linjat ajrore do ti rikthehen një versioni të mëparshëm të softuerit. Në anën tjetër, qindra avionë mund të duhet të ndërrojnë pjesët e tyre, duke çuar në javë të tëra jashtë shërbimit.
Incidenti, që detyroi Airbus të njoftonte aksionin e riparimit, përfshinte një fluturim të JetBlue nga Cancun, për në New Jersey, më 30 tetor. Fluturimi 1230 bëri një ulje emergjente në Tampa të Floridas, dhe disa persona u dërguan në spital pas një problemi me kontrollin e fluturimit dhe një humbje të papritur të lartësisë. Sipas të dhënave të Airbus, janë rreth 11,300 avionë të familjes A320 në funksionim, duke përfshirë 6,440 të modelit bazë A320. /Scantv
